قــصة خطيبين جميلة

**minagou** الخميس نوفمبر 18, 2010 3:34 pm

قــصة خطيبين جميلة

[center] [center]" امجد " بيحب " منى" وهى كمان بتحبه قوى ..
بس الحوار ليه الحب اليومين دول بقى مختلف قوى
تعالوا نشوف المشاكل بتحصل ازاى وإيه اللى يخلى الدنيا تبوظ :

موسيقى تصويرية شعبان عبدالرحيم انا بكره إسرائيل وبحب عمرو موسى ؟
منى وامجد واقفين فى عز الضهر على الكوبرى

منى : " برومانسية " شايف النجوم يا امجد

امجد : نجوم ايه بس فى عز الضهر دا أنا الشمس حرقت افايا

منى : الله يا امجد بص السحابة اللى هناك دى اللى عليها العصافير

امجد : لا والله ياحبيبتى أنا مش شايفها بس شايف دخان عربيات خنقنى

منى : يووووووووووووه يا امجد خليك رومانسى شوية

امجد : رومانسى إيه بس وأنتى مخرجانى فى عز الضهر كده أنا الشمس كلت وشى وقالت أنا شبعت

منى : انت مش بتحبنى والا ايه

امجد : ياستى بحبــك

منى : لا انت كذاب انت مش بتحبنى

امجد : يعنى أولع فى نفسى بجاز عشان تصدقى انى بحبك

منى : " والدموع على خدها " لا يا امجد أنت تغيرت خالص

امجد : ياحبيبتى والله بحبك

منى : لا يا امجد متصلحش اللى أنت عملته

امجد : وهو أنا كنت عملت إيه بس

منى : " تعيط " اهى اهى اهى

امجد : بتعيطى ليه دلوقت

منى : امجد طلقنى يا امجد

امجد : هو احنا لسة اتجوزنا عشان اطلقك

منى : يعنى كمان مش عايز تطلقنى

امجد يشد فى شعره : يادى الليلة السودا أنا ايه اللى خرجنى بس

منى : كمان خليتها ليلة سودا.. يعنى أنا اللى خرجتك غصب عنك

امجد : ياستى مش قصدى. بصى أنا مش هرد عليكى عشان مانتخانقش

منى : للدرجادى قرفان منى

امجد : " وشه يحمر من الغيظ " يعنى انتى عايزة تتخانقى وخلاص

منى : يعنى أنا نكدية يا امجد

امجد : لأ...... أنا

منى : انت بتاخدنى على اد عقلى

امجد : حقك عليا وادى رأسك ابوسها

منى : ياسلام كده بكل بساطة

فجأة يقف امجد على سور الكوبرى ويرمى نفسه فى الميه

منى : تفتكر يا امجد انى كدة هسامحك

[/center]
</blockquote>
[/center]