طريق علاج الكآبة - أبونا داود لمعى

نتيجة الضغط النفسى الكثير أو نتيجة إنجازات كبيرة لا تستمر بل تنحدر يتعرض الإنسان الى الإكتئاب وأحيانا تكون غير مسببة!





+

طريق علاج الكآبة - أبونا داود لمعى

نتيجة الضغط النفسى الكثير أو نتيجة إنجازات كبيرة لا تستمر بل تنحدر يتعرض الإنسان الى الإكتئاب وأحيانا تكون غير مسببة!





+

الإنسان يلجأ الى النوم ويكون منهك جسديا وعاطفيا كان "إيليا إنسانا تحت الآلم مثلنا"







+

هكذا نحن أحيانا بسبب أو بدون سبب الدنيا تقفل فى وشنا ولا يكون لها طعم وحتى الصلاة ما بيكونش لينا نفس نصلى!

+

إيليا كان نبيا شغلته هى الصلاة وحياتة الصوم والصلاة ولكن مع الكآبة بطل الصوم والصلاة







+

الإنسان مع الكآبة أى حاجة طبيعية مش قادر يعملها الكآبة دى مشاعر دايما سببها أفكار سلبية لو عاوز تخلص من مشاعر الكآبة لابد ان تتخلص من الأفكار السلبية

+

مثل إيليا عندما قال للرب قتلوا أنبياؤك وهدموا مذابحك وبقيت انا وحدى الفكرة غلط وهى اللى جايباله كآبة ، إيليا عمل مذبح قبلها بيوم ورفع عليه ذبيحة . فا الفكرة غلط وعلى أساسها انفعل انفعال غلط







+

الكآبة لما تتملك على الإنسان بتكون زى السجن ، إحساس بالسجن وانه مخنوق . الشخص المسجون من الكآبةبيكون شخص ضعيف ومجروح

+

أربع طرق لغيير التفكير السلبى





ركز على الحقيقة مش على مشاعرك

focus on the facts





a.

مشاعر إيليا انا فاشل انا ضايع انا خايف انا حيران انا لوحدى الحقيقة كله ده غلط ،b. ساعات الواحد من كثرة إستسلامه يخنق نفسة زياده وطلب الموت لنفسه – كل ده إسمه التفكير العاطفى! أو هى مشاعر طالعة فى شكل كلمات وهو ده اللى بيخلى الواحد يدخل فى دوامة

c.

الحقيقة ان ربنا مع إيليا والشعب رجع يحب ربنا ويحبه وإيليا انتصر على أنبياء البعل







d.

وانت بتركز على الحقيقة إفتكر القاعدة اللى بتقول إن مشاعرنا غالبا غلط فيه ناس بتثق فى مشاعرها ثقة عمياء دى حقيقة مغلوطة! فى أحيان كثيرة مشاعرنا بتكدب علينا وماينفعش نبنى عليها قرارات





e.

مثال لواحد كئيب يقول انا ربنا زعلان منى ماجتش فى الكتاب المقدس ان ربنا زعلان مننا يجوز ان يقال ربنا زعلان عليك ربنا فرحان جدا لمحاولاتك ولكن هناك شعور كاذب بيقوله انت مرفوض عند ربنا انت ما تنفعش وتيجيي مع حرب الكآبة

f.

لما الواحد بيغلط فى حاجة بيجيله احساس كاذب انه فاشل فى كل حاجة!! واحد مثلا اتصدم فى شغله يقول انا مش نافع فى حاجة لا نافع فى خدمة ولا نافع فى البيت ولا نافع فى حياة روحية !!! إيه علاقة الكلام بى اللى حصل المشكلة حصلت فى الشغل بس مش فى كل حاجة ،g. أصل المشاعر تميل الى التعميم فتلاقى الدنيا ضلمت كلها







h.

من حقك كانسان انك تغلط وممكن ان تكون فاشل فى جزء من حياتك بسماح من ربنا لكن ده مش معناه ان وحش او انك فاشل ،i. إغلط وارجع ربنا فاتح باب الصح. وبعدين لو فشلت فى جزء لكن فيه انتصارات ونجاحات تانى كثير فى حياتك ليه بتركز بس على الحاجة الوحشة بس اللى بتضايقك





j. المهم إنك تعبر عن مشاعرك بس ما تصدقهاش من حقك تشكى لكن لو صدقت اللى انت بتقول مش ها تطلع من اللى انت فيه ،k. ربنا مش بيحبنى ده مش صح مين قال كده



2 بطل تقارن نفسك بالناس



l. إيليا قال يارب خد نفسى لأنى لست خيرا من أبائى !! ياترى بيقارن نفسه بإنجازات أو بيقارن نفسه بنهايات



m.



المقارنة عادة مؤذية عادة انت لما تقع فى مقارنة انت بتجرح نفسك بدون داعى ،n. واحد ممكن يكون مكتئب لأن شغله مش زى شغل أخوة او مش زى حد تانى الحقيقة مافيش داعى للمقارنة انت فى ذاتك ناجح وكسيب وبيتك حلو ايه الداعى تبص حواليك ،o. المقارنة تخنق تجيب كآبة بدون داعى



p.



ساعات الواحد بيقول لو أبقى زى فلان كنت أكون مبسوط الحقيقة ان ده وهم مين قال انك لو بقيت زى فلان ها تكون مبسوط هل فلان ده أساسا مبسوط الحقيقة ان طريقة تفكيرك غلط . كل إنسان متميز ربنا مش بيكرر صور أبدا ربنا بيعمل أحلى حاجة من كل واحد



q.



علشان كده بنقول حاسب من طريقة التفكير ،r. كل واحد له رسالته وكل واحد له وزناته وانت مالك بتقارن ليه لو وقعت فى مقارنة ها يتقع فى كبرياء أو ها تقع فى إكتئاب.



s.



المقارنة عادة بتكون إنى بقارن الحته الضعيفة اللى فيا بالحتة القوية اللى عند غيرى! طب الحقيقة انت ما قارنتش بالحتة القوية اللى فيك بالحتة الضعيفة اللى عند غيرك ليه دايما بتقارن ضعفك بقوة الأخر



t.



ساعات المقارنة بتقلب بكلمة لازم أو المفروض كل واحد جواه صوتك كده بيقوله انت لازم انت المفروض الصوت ده مؤذى جدا وثقيل جدا ومش روحى مثلا يقول اللى زيك كان لازم دلوقتى يبقى – عامل فلوس أد كده – أو اتجوز وخلف وعمل – أو علاقاتهه شكلها إيه - يا أبويا على الصوت ده لازم يجيب كآبة حاول توقف الصوت ده وبيسموه النقد الذاتى المستمر







وقف أى لوم أو نقد غلط

Don’t talk false blame







u.

إيليا لام نفسه بعد الإنجازات والخدمة دى كلها ! الحقيقة ده لوم مش حقيقى ده نقدمؤذى حتى لو مافيش نتائج زى ما انت عاوز،v. كون فيه ثمر او مافيش ثمر مش بتاعتك دى . أحيانا نستسلم للوم الداخلى او الخارجى والداخلى أصعب على فكره





w.





ممكن تقابل حد كل يوم يقولك انت مش نافع انت مش ناجح المفروض تقفل ودانك علشان ده صوت مؤذى جدا وعمال يئذيك لتحت ده صوت مزيف مش حقيقى والناس مش بتعرف تساعد بعض ممكن يكون من الوالدين مع محبتهم الشديدة تكون طريقتهم غلط تماما يمسك ابنه علشان يبقى أحسن منه ويقوله " اللى زيك يبقى المفروض....." لو قالها 1000 مرة فى حياة هذا الشاب يبق ها ياخد علاج اكتئاب طول عمره. اللغة دى كسرت جواه الأمان والثقة بالنفس وكل حاجة حلوة لأنه محطوط فى مقارنة مع حد وهم إسمه لآزم أو المفروض.



x.





لازم أقدر ظروف اللى قصادى وامكانياته واقولها بطريفة مشجعة



y.





إنت مش مسئول عن تصرفات اللى حواليك وقرراتهم انت عليك الخدمة رد الفعل مش مسئؤليتك شجع على التوبة بس هما مسئولين عن حياتهم



4 لا تبالغ فى السلبيات

z.

هنا فية تضخيم للمسأه بدون داعى إيليا لما قال بقيت انا وحد طب ايه الجديد فى كده ده بقاله 40 سنه فى الصحراء لوحده امتى حس انه لوحده لما إكتئب وطول عمر ربنا معاه دلوقتى بتقول ان ربنا مش معاك! هو بس إيليا مشاعره ملخبطة قبلها باصحاح مئات الآلف هتفوا لإيليا ان الرب معه يعنى منين ما يروح هايلاقى الناس مستنياه ،



aa. فيه تضخيم للسلبيات عكس الحقيقة

bb.

لو فكر إيليا فى مشاعره وافكاره كان إكتشف إن إيزابل ما تقدرش تعمل حاجة لأنها لو تقدر تقتله كان عملت مابلغتش وده بسبب شعبيته وبعد موت جميع أنباء البعل وبقاء إيليا ،cc. زى واحد تيجيله مرض يقول خلاص انا ها أموت قريب تضخيم للسلبية بدون داعى ،



dd. المبالعة دى طريقة تفكير غلط.

ee.

طب العلاج ايه اقف وقييم المشكلة وتعرف حدودها ايه وده اللى ربنا عمله مع إيليا قاله انا ليا 7000 ركبة لم تنحنى للبعل وفم لم يقبله إذا إيليا مش لوحده بص لها صح علشان نوصل احنا بنشوف الحاجة غلط علشان احنا مستسلمين للمشاعر

ff.

مافيش حاجة إسمها انا عملت حاجة غلط يبقى انا فاشل دى بتاعة الإكتئاب ،

gg. لكن ممكن أكون عملت حاجة غلط بس انا مش فاشل عادى،hh. دى غير دى ،ii.



+ العــــــــــــــــــلاج 1 اهتم بإحتياجاتك الطبيعية

a. ايه حكاية ربنا يبعت ملاك لإيليا ماسك رغيف وكوب مياه هو ده شغل ملايكة ده الملا يجيى يبشر يعمل معجزات يبيد 180000 نفس .....

b. الحقيقة هو ده المطلوب فى المرحلة دى ساعات كثيرة بتكون الكأبة نتيجه اجهاد وضغط عصبى ونفسى ما نمتش أو ماكلتش يمكن لو نمت او كلت الحكاية تهدا المقصود بيها إرحم نفسك شوية وشوف إحتياجاتك الطبيعية إيه يمكن عاوز ترفه عن نفسك محتاج تاخد أجازة من الشغل ماشى أو محتاج تطلع من الخدمة أسبوع ماشى او محتاج تلعب رياضة إحنا بشر وجسمك مش مفصول عن روحك. c. بمعنى وفى احتياجاتك الطبيعية توفيها طبيعية وربنا هو اللى شجع إيليا على كده ده هو اللى بعت الملاك بالأكل

2 حول همك على ربنا

d. إحنا بنعرف نشكى للناس والناس نادرا ما بتعرف تساعد . الناس ليها طاقة تسمع ،e. وبيجى له وقت هو نفسه بيتعب

f. أحيانا الدكاترة النفسيين بعد مقابلة 5 أو 6 حالات يبتدى ينقى الحالات اللى تخفف عنهم (اللى عندهم هوس فكرى ويضحك) الدكتور من كثر الشكوى والدموع بيجيله احساس انه هو نفسه ها يتعدى. g. ما تنتظرش من الناس انه ها يشيل عنك كثير ما فيش زى ربنا ،h. إيليا عاد لربنا الكلام وربنا لم يقل له انت قولت ده قبل كده بالعكس ربنا سمع له وربنا باله طويل جدا i. قول لربنا انا لوحدى ربنا ها يطبطب عليك ويقولك انا معاك قولها مليون مرة ربنا ها يسمع ومن غير ما يقولك غلط وكفاية إتعود تشكى لربنا ماحدش ها يسمع لك زيه j. وفيه ناس متعوده تشكى لروحها وده مؤذى جدا او تشكى لحد ياخدها لتحت فيه فرق انك قاعد بتتحسر وانك قاعد بتصلى وتقوله يارب انا حاسس انى لوحدى وبين يا يعينى انا لوحدى!!! فيه فرق كبير قوى k. إيليا عبر عن كل اللى جواه وانت كمان قول لربنا اللى انت عاوزة بس جوه الصلاة قول الى متى يارب تنسانى كل النسيان الى متى يرتفع عدوى عليا ... ماشى قول كله جوه الصلاة وطول واشكى وابكى

3 إفهم ربنا من تانى



l.

ربنا لما يجاوب إيليا ولم يقاطعه بس عمل حاجة عجيبة قاله قم واخرج وقف على الجبل طلعه فى الهوا وقاله مالك ها هنا يا إيليا وإيليا عاد له الكلام تانى أصل ربنا عاوزك تفهمه من جديد ،m. أصلك شكلك مش عارفه طالما وقعت فى البلاعة دى يبقى انت مش عارفه ،n. o. انت غالبا حطيت فى نفسك ثقة زيادة وطلبت طلبات زياده ولأنها لم تتحقق ابتديت تقع وتكتئب إفتكرت انك انسان لايهزم انسان لا يعرف الضعف انسان يقدر على المستحيل انت أصلك مش فاهم. p. ربنا هو الكبير وربنا ما يتغلبش وربنا عظيم وقوى جدا وحنين جدا والمهم بقى ان ربنا شغال لحسابك مش عليك هى دى بقى فكرة جديدة عن ربنا الإنسان المهزوم بتفكر انه ربنا مش حاسس ببيه،q. لا ربنا حاسس بيك جدا r. كأن كل خبرة كآبةبنعدى عليها هى اكتشاف جديد لطعم ربنا يعنى إيليا بعد اليوم ده بقى أقوى بعد كده،s. وراحت بقيت انا وحدى منه. t. لازم تراجع صورة ربنا فى الانهزام انت بتشوف ربنا مش موجود او مش قادر او ربنا ناسى كل ده عاوز يتشاف من منظور تانى وتفهم ربنا من تانى محتاجين بقى لما نتهز كده قوى ندخل قداس ونقف نصلى ومانشوفش غير ربنا فى القداس ويجيب الإنجيل ويطلع كل ما ربنا بيقوله انا معاك انا أقدر انا بحبك ساعتها لما تشوف ان ربنا بيرد عليك هاتلاقى الدنيا ابتدت تفك



4 خلى فى اتجاه جديد لحياتك

u. يبقى كان فيه مشاكل مع إيزابل وفيه ناس معاها وفيه أشرار فربنا قال لإيليا قاله إرجع ،



v. بس حصل نقله كبيرة فى الخدمة ، w. إيليا بعد ما راح المغارة وشاف عظمة ربنا، x. ربنا اخد قرارات غيرت مسار التاريخ ، y. كان محتاج يهدا خالص ، z. ربنا قاله امسح حزائيل ملك وتمسح ياهو واليشع عوضا عنك لو إيليا مشى كانت الدنيا وقعت فربنا إداه بصيرة واستنارة ايه المطلوب يتعمل . aa. عرف يفكر تفكير عملى فى المشاكل وكانت خطة محكمة علشان اللى كان ها يطلع من الملك الأول ها يلاقى التانى واللى يطلع من التانى هايلافى إليشع ، bb. ماكنش ها يعرف ياخد القرار ده قبل كده ليه فىى الأول لأنه مكتئب ولأنه مش شايف غير بقيت وحدى وقتلوا أنبيائك وهدموا مذابحك. cc. بعد 40 يوم وبعد خلوة بعد هدوء ومراجعة من هو الله وبعد ما فشيت كل الغلب اللى جوايا فى ربنا بقيت أعرف افكر كويس فلاقيت الموضوع يتحل ورجع إيليا بقوة أعظم dd. يبقى حصل ايه هنا حصل اتجاه جديد فى حياتك لما تدخل بلاعة اليأس والكآبة اطلع منها وقف تيارات الأفكار السلبية دى رتب أفكارك وحط همك على ربنا واعرف انت بتشتغل مع مين. ربنا ده كبير قوى وبعدين حدد اللى هاتعمله . فيه مشكلة وماله وا احنا مع اللى أكبر من المشكلة ee. كلمة جميلة : تتحرر من الجلوس فى رثاء النفس ، ff. واحد يقعد بالسنين يعيد ويزيد أصل انا عملوا فيا أصل ربنا جربنى أصل انا أتضغط على انا ما عيشتش طفولتى أصل هما ظلمونى ..... كده مش ها نتطلع ومش ها نخلص ها تفضل تحت حتى لو فيه أعاقة مستمرة وعاهه مستديمة لو وقفت عندها مش ها تتحرك مش ده اللى ها يعالجك gg. إطلع من دى خالص وفكر بطريقة ايجابية بطل تبص على نفسك كثير اطلع بص على الجبل فيه قوة فى الجبل فيه ريح فيه زلزال فيه نار فيه ربنا الحنين اللى بيقولك مالك هاهنا ياحبيبى من امتى انت مش معايا وانا مش معاك امتى سبتك يوم ما كان المطر مقطوع أكلتك لحمة على ايد طائر غراب وبقى نهر كريت شغال لحسابك ولما النهر خلص أرملة صيدا اشتغلت لحسابك بمعجزة إزاى تنسى انت عايش يوم بعد يوم بمعجزة hh. انت بالذات مش المفروض تقول انا بقيت وحدى أكثر واحد ذقت معجزات فى حياتك . وانت بتتغير من الكآبة للنصرة للثقة فى النفس حاسب من كام فكرة غلط كده ii. مش معنى ان اى حد بينتقدك تترجم جواك انا وحش بلاش الفكرة دة أرجوك ، jj. الفكرة الغلط ان لازم كل الناس تحبنى كل الوقت مين قال كده مش لازم لأنك لو ها ترضى كل الناس مش ها تبقى عبد للسيد المسيح طبيعى ان فيه ناس ما يرضوش عليك طبيعى ان يبقى فيه ناس بينك وبينهم صدام لأنهم عاوزينك على هواهم أو لأنهم سكتهم غلط فمتنذعجش لو فيه ناس مش راضية عليك طول ما انت ضميرك مرتاح مع ربنا ما تنزعجش . kk. راجع وصية ربنا راجع ضميرك وصالح نفسك ماتلومش نفسك مش لازم كل الناس ترضى عليك كل الوقت. حصل زعلة أو قفشة وانت على حق وماله لما يحصل شوية زعل بس مش خصام لغاية لما نحل الإشكال ما تتنكدش طالما انت مراجع ضميرك ووصية ربنا وعارف انك بتتصرف صح. ll. مش لازم أكون صح دايما كل الوقت، mm. لأه أنت انسان طبيعى ها تغلط ده طبيعى وها يبقى فيه أخطاء. معناها ما تكتئبش لما تغلط لأنه انا انسان طول ما انا فاكر دى ها أنتصر على نفسى . لإلهنا كل مجد وكرامة.











.